ព័ត៌មានជាតិ

ព្រៃឡង់កំពង់តែត្រូវមេឈ្មួញចាស់វស្សាម្នាក់បំផ្លិចបំផ្លាញនិងដឹកជញ្ជូនឈើយ៉ាងអនាធិបតេយ្យ។ ក្រចេះ នៅថ្ងៃទី២៩, ខែមករា ឆ្នាំ២០២៣ នៅត្រង់ចំណុច ស្រែផ្នី ស្ថិតនៅក្នុង ភូមិសាស្រ្ត ភូមិយាវ ឃរំ សំបូរ ស្រុក សំបូរ ខេត្តក្រចេះ។ ប្រភពព័ត៌មានពីប្រជាពលរដ្ឋបានឲ្យអ្នកសារព័ត៌មានយើងខ្ញុំដឹងថា កាដឹកជញ្ជូនឈើ ចេញពីដែនជម្រកសត្វព្រៃ ព្រៃឡង់ជារៀងរាល់រាល់ថ្ងៃ មួយខែទល់មួយខែមិនដែលខានមួយថ្ងៃណាឡើយ ជាក់ស្តែងដូចនៅថ្ងៃទី២៩ ខែ មករា ឆ្នាំ២០២៣ ដឹកឈើតាមរថយន្តកែច្នៃធំៗ នេះក្នុងមួយថ្ងៃស្មើនឹង២៧គ្រឿងដូចនៅក្នុងរូបភាពនេះ។ ប្រជាពលរដ្ឋបានបន្តទៀតថា មេឈ្មួញដុះស្លែ ម្នាក់នោះមានឈ្មោះថា ពែក រស់នៅក្នុង ភូមិ ខ្ពបតាងួន ឃុំ ខ្ពបតាងួន ស្រុកស្ទឹងត្រង់ ខេត្តកំពង់ចាម ។ តើលោក អភិបាលនៃគណៈអភិបាលស្រុកសំបូរ មានឆន្ទះចូលរួមទប់ស្កាត់ រឺមួយមានឆន្ទះចូលរួមកាប់បំផ្លាញ់ជាមួយមេឈ្មួញចាស់វស្សារូបនោះ? ប្រជាពលរដ្ឋជាច្រើនបាន សូមសំណូមពរទៅ លោក វ៉ា ថន អភិបាលនៃគណៈអភិបាលខេត្តក្រចេះ មេត្តាជួយស្រោចស្រង់ និងសង្រ្គោះព្រៃឡង់ផង បើឯកឧត្តម នៅតែមិនអើពើបែបនេះព្រៃឡង់និងត្រូវរលាយជាក់ជាមិនខានឡើយ បើដូច្នេះមែននោះតើកូនចៅជំនាន់ក្រោយសង្ឃឹមលើអ្វីទៅ? បើសមត្ថកិច្ចពាក់ព័ន្ធក្រោមបញ្ជាការឯកភពខេត្តរបស់ ឯកឧត្តម […]

ទីតាំងល្បែងស៊ីសងតាមអនឡាញ មួយកន្លែងកំពុងប្រកប របរយ៉ាងសមប្រកបនៅ ក្នុងទឹកដីភូមិព្រែកឡុង សង្កាត់រកាខ្ពស់ ក្រុងតាខ្មៅ ខេត្តកណ្ដាល ដោយហេតុថា អាជ្ញាធរមូលដ្ឋានខ្វះធនធាន ក្នុងការទប់ស្កាត់ និងបង្ក្រាបឱ្យមានប្រសិទ្ធភាព តើម្ចាស់ទីតាំងល្បែងស៊ីសងអនឡាញនៅក្នុងមូលដ្ឋាន ភូមិព្រែកឡុង សង្កាត់រកាខ្ពស់ ក្រុងតាខ្មៅ ខេត្តកណ្ដាលនរណា ទើបហ៊ានបើកល្បែងស៊ីសងជាច្រើនទីតាំង រីកដូចផ្សិតយ៉ាងដូច្នេះ? ប្រភពពីប្រជាពលរដ្ឋនៅក្នុងមូលដ្ឋានជិតទីតាំងល្បែងស៊ីសងមួយកន្លែង បានឱ្យភ្នាក់ងារសារព័ត៌មានគេហទំព័រ ពន្លឺនិរតី យើងដឹងថា នៅជិតៗផ្ទះរបស់គាត់សព្វថ្ងៃនេះ មិនដឹងថាជាអ្នកមានលុយ មានអំណាចមកពីណា បានចាប់ផ្តើមបើកល្បែងស៊ីសងតាមទូរទស្សន៍ ជាពិសេសនោះគឺបញ្ជល់មាន់ និងឡូតូ សឹងគ្រប់ហាងកាហ្វេនៅក្នុងស្រុកទៅហើយ ប៉ុន្តែគេមិនដែលឃើញមានសមត្ថកិច្ចណាមកចុះចាប់ ឬទប់ស្កាត់នោះឡើយ ។ គាត់បន្ថែមទៀតថា បច្ចុប្បន្ននេះ អ្នកភូមិចាប់ផ្តើមបាត់បង់ទ្រព្យសម្បត្តិក្នុងផ្ទះជាញឹកញាប់ដោយសារករណីចោរកម្ម និងឃើញមានការឈ្លោះប្រកែកគ្នាជាញឹកញយ ដោយសារតែរឿងលុយកាក់ដែលបានចាញ់នៅក្នុងវង់ល្បែង។ តើច្បាប់នៃការបង្ក្រាបល្បែងស៊ីសងបង្កើតឡើងដើម្បីអ្វី?  ច្បាប់នៃការបង្ក្រាបល្បែងស៊ីសងដូចជាមិនឥទ្ធិពលសោះខណៈដែលសមត្ថកិច្ចខ្លះបង្ក្រាបចាប់ជនសង្ស័យដែលលេងល្បែងស៊ីសងខុសច្បាប់ហើយ ផ្គើននឹងបទបញ្ជារបស់សម្តេចតេជោទៀតហើយក៏ដោះលែងទៅវិញ។ ដោយឡែកពេលនេះល្បែងស៊ីងសង Online កំពុងលេងយ៉ាងរំភើយ ដូចគ្មានរឿងអ្វីសោះឡើយ ខណ:កន្លែងខ្លះសមត្ថកិច្ចទើបតែចុះព្រមានណែនាំ តែនៅដំណើរការដដែល មិនដឹងមកពីមូលហេតុអ្វី ។ បើយោងតាមច្បាប់នៃការបង្ក្រាបល្បែងស៊ីសង ជំពូក៣ ទោសបញ្ញត្តិ បានចែងក្នុងមាត្រា ៤ ជនណាលេងល្បែងស៊ីសង ជននោះត្រូវផ្តន្ទាទោសពិន័យជាប្រាក់ពីមួយម៉ឺនរៀល(១០.០០០) […]

លោក ឆែម តារា ត្រូវបានគណ:កម្មការប្រតិបត្តិផ្តល់ទំនុកចិត្ត និងបោះឆ្នោតផ្តល់សេចក្តីទុកចិត្តជូនលោកឱ្យជាប់ជាប្រធានសហព័ន្ធកីឡាបេស្បលកម្ពុជា (Cambodian Baseball Federation (CBF) អាណត្តិថ្មី ឆ្នាំ២០២៣-២០២៧ កាលពីព្រឹកថ្ងៃទី២៨ ខែមករា ឆ្នាំ២០២៣ជាមួយនឹងការប្ញេជ្ញាចិត្តខ្ពស់ក្នុងការជំរុញឲ្យការអភិវឌ្ឍវិស័យកីឡាមួយនេះឱ្យកាន់តែរីកចម្រើន និងពេញនិយមនៅកម្ពុជា។ ការជាប់ឆ្នោតរបស់លោក ឆែម តារា ត្រូវបានធ្វើឡើងនៅក្នុងមហាសន្និបាតបញ្ចប់អាណត្តិទី៥ ឆ្នាំ២០១៩-ឆ្នាំ២០២៣ និងបន្តអាណត្តិឆ្នាំ២០២៣-ឆ្នាំ២០២៧ ក្រោមអធិបតីភាពដ៏ខ្ពង់ខ្ពស់របស់ឯកឧត្តម ញ៉ែម ថ្ថាវី អតីតប្រធានសហព័ន្ធកីឡាបេស្បលកម្ពុជា និងជាទីប្រឹក្សាជាន់ខ្ពស់នៃរដ្ឋសភា និងលោក ដួង មាសចំរើន អគ្គនាយករង នៃអគ្គយកដ្ឋានកីឡា និងជាតំណាងដ៏ខ្ពង់ខ្ពស់របស់ឯកឧត្តមបណ្ឌិតសភាចារ្យ ហង់ជួន ណារ៉ុន ជាគណៈអធិបតី។ ក្នុងនាមប្រធានអាណត្តិថ្មី លោក ឆែម តារា បានបង្ហាញការតាំងចិត្តខ្ពស់យ៉ាងដូច្នេះថា «ខ្ញុំពិតជាសប្បាយចិត្តជាក្រៃលែង ដែលត្រូវបានអង្គមហាសន្និបាត ដែលមានសមាជិកទាំង៤៨រូប បានបោះឆ្នោតជ្រើសរើសឱ្យមានគណៈកម្មាធិការប្រតិបត្តិ៩រូប និងបានបោះឆ្នោតជ្រើសតាំងឱ្យជាប់ជាប្រធានសហព័ន្ធកីឡាបេសប្បលកម្ពុជា នាពេលនេះ»។ លោក ឆែម តារាង បានប្ដេជ្ញាចិត្តយ៉ាងមុតមាំថា នឹងខិតខំដឹកនាំ ព្រមទាំងចងមិត្តភាពសហការជាមួយមិត្តភក្ដិបរទេសផ្សេងៗ ដែលមានបំណងចង់ចូលរួមអភិវឌ្ឍន៍វិស័យបេស្បលកម្ពុជា នៅក្នុងអាណត្តិថ្មីនេះ ក្នុងឆន្ទៈរួមគ្នាលើកកម្ពស់បន្ថែមដល់ការជំរុញឱ្យវិស័យកីឡាបេស្បលកម្ពុជាមានការរីកចម្រើនកាន់តែល្អប្រសើរ […]

­តាមលទ្ធផលនៃការតភ្ជាប់បានបង្ហាញថាបំណែកព្រះហស្ដទាំងពីរដែលបានធ្វើការសាកល្បងតភ្ជាប់គឺពិតជារបស់ព្រះបាទជ័យវម៌្មទី៧ពិតប្រាកដមែន ព្រោះស្នាមតំណដែលបែកបាក់នោះត្រួតស៊ីគ្នាល្អស្ទើរ១០០ភាគរយ។ នេះបើយោងតាមការចេញផ្សាយរបស់សារមន្ទីរជាតិ។ បើតាមការឱ្យដឹងរបស់សារមន្ទីរជាតិបានឱ្យដឹងថា បំណែករូបព្រះបាទជ័យវម៌្មទី៧ រកឃើញដោយលោក Henri Marchal នាឆ្នាំ១៩២៤ ហើយបានយកមករក្សាទុកនៅអភិរក្សដ្ឋានអង្គរនៅឆ្នាំ១៩៣១។ ក្រោយមកលោក Georges Groslier បានដឹកយកមករក្សាទុកនៅសារមន្ទីរជាតិ និងផ្គុំឡើងវិញនៅចុងឆ្នាំ១៩៣៤។ លុះដល់ឆ្នាំ១៩៩៨ ក្រុមការងារអភិរក្ស និងជួសជុលនៃសារមន្ទីរជាតិសង្កេតឃើញថា ការផ្គុំភ្ជាប់ឡើងវិញនោះមិនត្រឹមត្រូវទេ ទើបសម្រេចរុះរើ និងអភិរក្សជួសជុលឡើងវិញតាមបទដ្ឋានបច្ចេកទេស រហូតបញ្ចប់ក្នុងឆ្នាំ១៩៩៩។ សូមរម្លឹកផងដែរថា បំណែកព្រះហស្តស្ថាំនៃរូបព្រះបាទជ័យវម៌្មទី៧ រកឃើញនៅក្នុងឆ្នាំ១៩៩០ ដោយឡែកបំណែកកំណាត់ដើមដៃឆ្វេងរកឃើញក្នុងឆ្នាំ១៩២៤ ប៉ុន្តែបំណែកទាំងពីរនេះ អ្នកស្រាវជ្រាវខ្មែរលោកបណ្ឌិត មីសែល ត្រាណេ បានផ្តល់សម្មតិកម្មដំបូងថាបំណែកទាំងពីរនេះជាបំណែកព្រះហស្ដរបស់ ព្រះបាទជ័យវម៌្មទី៧ ប៉ុន្តែលោកគ្មានឱកាសក្នុងការយកមកសាកល្បងតភ្ជាប់ជាមួយរូបព្រះអង្គនៅសារមន្ទីរជាតិឡើយ។ សម្មតិកម្មនេះ បានបញ្ជាក់ច្បាស់នាឆ្នាំ២០១៩ ពីក្រុមស្រាវជ្រាវបារាំងបានប្រើប្រាស់បច្ចេកវិទ្យា 3D ស្កេនសាកល្បងតភ្ជាប់។ ការតភ្ជាប់ដោយបច្ចេកវិទ្យានេះ បង្ហាញថាបំណែកដៃទាំងពីរពិតជារបស់ព្រះបាទជ័យវម៌្មទី៧ពិតប្រាកដមែន ព្រោះស្នាមតំណដែលបែកបាក់នោះត្រួតស៊ីគ្នាល្អស្ទើរ១០០ភាគរយ។ បន្ទាប់ពីមានការផ្សព្វផ្សាយលទ្ធផលនៃការសាកល្បងតភ្ជាប់ដោយបច្ចេកវិទ្យា 3D រួចមក ថ្នាក់ដឹកនាំសារមន្ទីរជាតិ បានសម្រេចស្នើសុំយកបំណែកព្រះហស្ដទាំងពីរនេះមករក្សា ទុកនៅសារមន្ទីរក្នុងឆ្នាំ២០២១ ដើម្បីសាកល្បងតភ្ជាប់ជាមួយនឹងរូបរបស់ព្រះអង្គផ្ទាល់។ បើតាមការបញ្ជាក់របស់សារមន្ទីរជាតិបានលើកឡើងថា លុះដល់ខែមករា ឆ្នាំ២០២៣ ក្រុមការងាររោងជាងនិងអភិរក្សថ្ម និងសាលាបារាំងចុងបូព៌ា (EFEO) បានសាកល្បងយកព្រះហស្ដទាំងពីរនេះមកតភ្ជាប់ […]

រាជធានីភ្នំពេញ ៖ នាព្រឹកថ្ងៃទី២៩ ខែមករា ឆ្នាំ២០២៣នេះ ឯកឧត្តមបណ្ឌិតសាស្ត្រាចារ្យ ហ៊ុន សុខា សាកលវិទ្យាធិការរង នៃសកលវិទ្យាធិការក្រសួងការពារជាតិ តំណាងដ៏ខ្ពង់ខ្ពស់ ឯកឧត្តម ភឺន ផល្លា ជំនួយការផ្ទាល់សម្តេចអគ្គមហាសេនាបតីតេជោហ៊ុនសែន អញ្ជើញជាអធិបតីភាព បើកពិធីបណ្តុះបណ្តាល វគ្គទី១ និងពិធីចែកសញ្ញាបត្រដល់សិក្ខាកាមអ្នកសារព័ត៌មានជាតិ ចំនួន៧០នាក់ ក្រោមប្រធានបទ “ឥរិយាបថអ្នកសារព័ត៌មានសម័យទំនើប” ដែលមានលោក ហ៊ុន មករា ជាប្រធានសមាគមន៍សម្ព័ន្ធអ្នកសារព័ត៌មានសកលសន្តិភាព។

ឧត្តមសេនីយ៍ឯក រ័ត្ន ស្រ៊ាង មេបញ្ជការរង កងរាជអាវុធហត្ថលើផ្ទៃប្រទេស មេបញ្ជាការកងរាជអាវុធហត្ថរាជធានីភ្នំពេញ សូមចូលរួមអបអរសាទរជូន ឯកឧត្តម ឃួង ស្រេង អភិបាលរាជធានីភ្នំពេញ ដែលត្រូវបានព្រះមហាក្សត្រ សព្វព្រះរាជហឫទ័យ ត្រាស់បង្គាប់តែងតាំងជាទីប្រឹក្សាផ្ទាល់សម្តេចតេជោ ហ៊ុន សែន មានឋានៈស្មើរដ្ឋមន្ត្រី បន្ថែមលើមុខងារបច្ចុប្បន្ន។ ក្នុងឱកាសដ៏វិសេសវិសាលនេះ សូមបួងសួងដល់គុណបុណ្យព្រះរតនត្រ័យកែវទាំងបី វត្ថុស័ក្តិសិទ្ធិទាំងឡាយក្នុងលោក ទេវតាថែរក្សាទឹកដីនៃ ព្រះរាជាណាចក្រកម្ពុជា ប្រោសប្រសិទ្ធិពរជ័យ សិរីមង្គល វិបុលសុខ បវរមហាប្រសើរ ជូនចំពោះ ឯកឧត្តម ឃួង ស្រេង និងលោកជំទាវ ព្រមទាំងបុត្រាបុត្រី សូមទទួលបាននូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

អាវុធហត្ថរាជធានីភ្នំពេញ បានចាប់ផ្តើមដំណើរការចាក់វ៉ាក់សាំងបង្ការជំងឺកូវីដ-១៩ ដូសទី៦ ជូនយោធិន និងគ្រួសារ ដោយអនុវត្តតាមវិធានការពារជំងឺកូវីដ១៩ របស់ក្រសួងសុខាភិបាល និងអនុវត្តតាមការណែនាំរបស់ លោក នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស នៅថ្ងៃទី២៤-២៥-២៦ ខែមករា ឆ្នាំ២០២៣ នេះ នៅបញ្ជាការដ្ឋានកងរាជអាវុធហត្ថរាជធានីភ្នំពេញ បានចាប់ផ្តើមដំណើរការចាក់វ៉ាក់សាំងបង្ការជំងឺកូវីដ-១៩ ដូសទី៦ ជូនយោធិន និងគ្រួសារយោធិន នៃ កងរាជអាវុធហត្ថរាជធានីភ្នំពេញ ផងដែរ។ កម្លាំងកងរាជអាវុធហត្ថរាជធានីភ្នំពេញ និងគ្រួសារទាំងអស់បានបង្ហាញនូវសេចក្តីសប្បាយរីករាយដែលបានចាក់វ៉ាក់សាំងកូវីដ-១៩ ដូសទី៦ (Sinovac) និងបានគោរពថ្លែងអំណរគុណយ៉ាងជ្រាលជ្រៅចំពោះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបានខិតខំប្រឹងប្រែងស្វះស្វែងរកវ៉ាក់សាំងដើម្បីចាក់ជូនមន្ត្រីរាជការ កងកម្លាំងប្រដាប់អាវុធ ក៏ដូចជាប្រជាពលរដ្ឋទូទៅបានឆាប់រហ័សទាន់សភាពការណ៍៕

ក្រុមអ្នកញៀនល្បែងស៊ីសងកំពុងតែប្រមូលផ្ដុំគ្នាលេងល្បែង ក្នុងទឹកដីដីស្រុកស្រុកទ្រាំង ចំនែកអធិការនគរបាលស្រុកទ្រាំង​ ចំលោក ឃុត ភិន ហាក់ដូចជាបណ្តែតបណ្ដោយខ្លាំងមែនទែន ចំពោះល្បែងស៊ីសងខុសច្បាប់ ដែ លកំពុងតែនៅមានជាបន្តបន្ទាប់ហូរហែក្នុងមូល ដ្ឋានរបស់ខ្លួន ។ ជាក់ស្តែងល្បែងស៊ីសងប្រភេទមាន់ជល់តាម ឡែប ថបតូចៗ កំពុងតែប្រមូលផ្ដុំគ្នាលេងយ៉ាងពពាក់ពពូន​ស្ថិតនៅ ភូមិល្វេ ឃុំប្រាំបីមុំ និង ភូមិ គរ ឃុំអង្គខ្នុរ ស្រុកទ្រាំង ខេត្តតាកែវ ដែលក្រុមញៀនល្បែងកំពុងតែប្រមូលផ្ដុំគ្នាលេង យ៉ាងអនាធិបតេយ្យ ដោយគ្មានការបង្ក្រាបបន្តិចសោះឡើយ។ ប្រភពព័ត៌មានបានឱ្យដឹងបន្តថា ទីតាំងល្បែងស៊ីសងខាងលើនេះ ប្រមូលផ្តុំគ្នាលេងជាហូរហែមិនថា ថ្ងៃសៅរ៍ អាទិត្យ ពោលគឺ ៧ថ្ងៃក្នុង ១សប្ដាហ៍ គឺចាប់ផ្តើមលេងពីម៉ោង៨ព្រឹក រហូតដល់ម៉ោង ៤-៥ល្ងាច និងមានភ្នាល់ដាក់លុយយ៉ាងសន្ធឹកសន្ធាប់ជារៀងរាល់ថ្ងៃ។ ប្រជាពលរដ្ឋបានសម្តែងនូវក្តីបារម្ភយ៉ាងខ្លាំងចំពោះការប្រមូលផ្ដុំគ្នាលេងល្បែងភ្នាល់ជា សាធារណៈនេះ ព្រោះជាហេតុនាំឱ្យកើតមានបទល្មើសកើតឡើងជាមិនខាន ដោយសារតែចាញ់ល្បែង អស់ទ្រព្យសម្បត្តិ។ ករណីនេះដែរប្រជាពលរដ្ឋស្នើសុំលោកឧត្តមសេនីយ៍ទោ ឈាង ផាន់ណារ៉ា ស្នងការនគរបាលខេត្តតាកែវ សូមជួយចាត់វិធានកា រទប់ស្កា ត់ចំពោះល្បែងស៊ីសងខុសច្បាប់នៅក្នុងមូលដ្ឋានស្រុកទ្រាំងនេះផង៕ ហើយលោក ឃុត ភិន អធិការនគរបាលស្រុកទ្រាំង កន្លងមកខាងសារព័ត៌មានយើងបានផ្ញើសារជាញឹកញាប់ ដើម្បីស្នើសុំអន្តរាគមន៍បង្ក្រា បបទល្មើសផ្សេងៗ ដែលមាននៅក្នុងដែនសមត្ថកិច្ចរបស់ខ្លួន ប៉ុន្តែលិទ្ធផលទទួលបានគឺសូន្យ (ពោល)មិនដែលមានការបំភ្លឺណាមួយជុំវិញការបង្ក្រាបបាននៅបទល្មើសល្បែងស៊ីសងខុសច្បាប់នោះទេ៕

ព្រឹកថ្ងៃសុក្រ ៦កើត ខែមាឃ ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី២៧ ខែមករា ឆ្នាំ២០២៣ស្អែកនេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញជាអធិបតីភាពដ៏ខ្ពង់ខ្ពស់ក្នុងពិធីអបអរសាទរខួប១០០ឆ្នាំ នៃសាសនាគ្រិស្ត នៅកម្ពុជា ដែលពិធីនេះ ត្រូវរៀបចំធ្វើឡើង នៅបរិវេណមជ្ឈមណ្ឌលកោះពេជ្រ ដោយហៅព្រឹត្តិការណ៍នោះថា «មរតកដំណឹងល្អ ១០០ឆ្នាំ(១៩២៣-២០២៣)»។   តាមការឲ្យដឹងពី ឯកឧត្តម ឈិត សុខុន រដ្ឋមន្ត្រីក្រសួងធម្មការ និងសាសនា បានឱ្យដឹងថា ពិធីអបអរសាទរ «មរតកដំណឹងល្អ១០០ឆ្នាំ» ធ្វើឡើង ដើម្បីអរព្រះគុណព្រះយេស៊ូ ក្នុងជំនឿគ្រិស្តបរិស័ទ នៅលើទឹកដីកម្ពុជា ដ៏ស្រស់បំព្រង និងអរគុណសន្តិភាពក្រោមការដឹកនាំ ដ៏ឈ្លាសវៃប៉ិនប្រសប់ របស់សម្តេចតេជោនាយករដ្ឋមន្ត្រី។   ព្រឹត្តិការណ៍នេះ ជាការបង្ហាញយ៉ាងច្បាស់អំពីសិទ្ធិ និងសេរីភាពពេញលេញរបស់ប្រជាពលរដ្ឋទូទៅ ក្នុងការគោរព និងប្រតិបត្តិជំនឿសាសនានៅកម្ពុជា ហើយរាល់ការធ្វើសកម្មភាព និងការប្រតិបត្តិខាងផ្លូវសាសនានីមួយៗ ត្រូវបានរដ្ឋធានាក្នុងលក្ខខណ្ឌ ដែលមិនប៉ះពាល់ដល់ជំនឿ ឬសាសនាដទៃ។   […]

នៅព្រឹក ថ្ងៃព្រហស្បតិ៍​ ៥កើត ខែមាឃ ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី២៦ ខែមករា ឆ្នាំ២០២៣ ស្អែកនេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញជាអធិបតីភាពដ៏ខ្ពង់ខ្ពស់ក្នុងពិធីប្រគល់សញ្ញាបត្រ ជូននិស្សិតជ័យលាភីថ្នាក់បរិញ្ញាបត្ររង បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត នៃសាកលវិទ្យាល័យវេស្ទើន សរុបចំនួន ៣២៣២នាក់ក្នុងនោះក៏មាននិស្សិតស្រីចំនួន១៨៩៧នាក់ ដែលពួកគេបានបញ្ចប់ការសិក្សាក្នុងឆ្នាំសិក្សា២០១៩-២០២០ ឆ្នាំសិក្សា២០២០-២០២១ និងឆ្នាំសិក្សា២០២១-២០២២ កន្លងទៅ ដែលពិធីនេះនឹងធ្វើឡើងនៅមណ្ឌលសន្និបាត និងពិព័រណ៍អន្តរជាតិជ្រោយចង្វារ(OCIC)។   បច្ចប្បន្នសាកលវិទ្យាល័យមាននិស្សិតកំពុងបន្តការសិក្សាក្នុងឆ្នាំ២០២២-២០២៣ នេះ ចំនួនសរុប ៥.១៨៦នាក់ ( ស្រី ៣.៥៩០នាក់ ) ហើយមាននិស្សិតបានបញ្ចប់ការសិក្សា គិតចាប់ពីឆ្នាំសិក្សា២០០៣-២០០៤ដល់ឆ្នាំសិក្សាបច្ចុប្បន្នចំនួន១៦.៧៤១នាក់ (ស្រី ៨.៤៣០នាក់)៕