(ទីក្រុងបាលី, ប្រទេសឥណ្ឌូនេស៊ី)៖ កាលពីល្ងាចថ្ងៃទី១៨ ខែឧសភា ឆ្នាំ២០២២ ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម បានជួបពិភាក្សាការងារជាមួយ ឯកឧត្តម Aung Naing Oo រដ្ឋមន្ត្រីក្រសួងវិនិយោគ និងទំនាក់ទំនងសេដ្ឋកិច្ចបរទេស និងសហការី នៅសណ្ឋាគារ AYANA Resort & Spa នៃទីក្រុងបាលី ប្រទេសឥណ្ឌូនេស៊ី បន្ទាប់ពីកិច្ចប្រជុំពិសេសថ្នាក់រដ្ឋមន្រ្តីសេដ្ឋកិច្ចអាស៊ានបានបញ្ចប់ដោយជោគជ័យ និងផ្លែផ្កា។ ជាកិច្ចចាប់ផ្តើម ឯកឧត្តមរដ្ឋមន្រ្តី បានស្វាគមន៍យ៉ាងកក់ក្តៅ និងថ្លែងអំណរគុណចំពោះ ឯកឧត្តម AUNG NAING OO ដែលបានផ្តួចផ្តើមរៀបចំកិច្ចពិភាក្សានេះ និងបានគាំទ្រកម្ពុជាក្នុងនាមជាប្រធានដឹកនាំកិច្ចប្រជុំថ្នាក់រដ្ឋមន្ត្រីសេដ្ឋកិច្ចអាស៊ានក្នុងឆ្នាំ២០២២។ ឯកឧត្តមរដ្ឋមន្រ្តីបន្តថា ភាគីទាំងពីរបានផ្លាស់ប្តូរយោបល់លើវឌ្ឍនភាពសេដ្ឋកិច្ច-ពាណិជ្ជកម្មទាំងក្នុងក្របខណ្ឌតំបន់ និងទ្វេភាគី សំដៅលើកម្ពស់ទំហំពាណិជ្ជកម្ម និងជំរុញការស្តារសេដ្ឋកិច្ចឡើងវិញ។ ជាមួយគ្នានេះ ឯកឧត្តម Aung Naing Oo បានថ្លែងកោតសរសើរកម្ពុជាពីភាពជោគជ័យក្នុងការចរចាបង្កើតកិច្ចព្រមព្រៀងពាណិជ្ជកម្មសេរីទ្វេភាគីរវាងកម្ពុជា-ចិន និងកម្ពុជា-កូរ៉េ នាពេលថ្មីៗនេះ។ ទន្ទឹមនឹងនេះ ឯកឧត្តម Aung […]
