ព័ត៌មានជាតិ

រដ្ឋបាលខេត្តកំពង់ធំរៀបចំពិធីអុំទូកដើម្បីអបអរព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក

ឯកឧត្តម ឈុន ឈន់ ប្រធានក្រុមប្រឹក្សាខេត្តកំពង់ធំ ឯក ឧត្តម ងួន រតនៈ អភិបាលខេត្តកំពង់ធំអញ្ជើញជាអធិបតីក្នុងពិធីអុំទូកដើម្បីអបអរសាទរ ព្រះរាជពិធីបុណ្យអុំទូក បណ្ដែតប្រទីប និង សំពះព្រះខែ អកអំបុកទៅតាមដងស្ទឹងសែនទីរួមខេ ត្តកំពង់ធំនារសៀលថ្ងៃទី៤ ខែវិច្ឆិកាឆ្នាំ ២០២២ដែលមានការអញ្ជើញចូលរួមពីអ្នកដឹកនាំមន្ទីរអង្គភាពនានាជុំវិញខេត្តមន្ត្រីរាជការកងកម្លាំងប្រដាប់អាវុធនិងប្រជាពលរដ្ឋយ៉ាងច្រើនកុះករ។ពិធីអុំទូកនេះមានរយៈពេលពីរថ្ងៃ ចាប់ពីថ្ងៃទី៤-៥ខែវិច្ឆិកាឆ្នាំ ២០២២។ ឯកឧត្តម ងួន រតនៈ មានប្រសាសន៍លើកឡើងថា ថ្ងៃនេះយើងបានជួបជុំគ្នាយ៉ាងសប្បាយរីករាយដោយសារស្ថានភាពជំងឺកូវីដ-១៩ មានភាពល្អប្រសើរក្រោមការដឹកនាំប្រកបដោយគតិបណ្ឌិតរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាដែលបានដាក់ចេញនូវវិធានការទប់ស្កាត់ការឆ្លងរាលដាលនៃជំងឺកូវីដ-១៩ប្រកបដោយជោគជ័យ។ឯកឧត្តមអភិបាលខេត្តសំណូមពរដល់បងប្អូនប្រជាពលរដ្ឋទាំងអស់បន្តអនុវត្តបានឱ្យបានខ្ជាប់ខ្ជួននូវវិធានការសុខាភិបាលនិងអញ្ជើញទៅចាក់វ៉ាក់សាំងឲ្យបានគ្រប់ៗគ្នា។ឯកឧត្តមអភិបាលខេត្តមានប្រសាសន៏ថា ការរៀបចំពិធីអុំទូករបស់ខេត្តយើងគឺដើម្បីរក្សាទំនៀមទម្លាប់ប្រពៃណីដ៏ល្អផូរផង់របស់ជាតិយើងដែលខេត្តកំពង់ធំបានរៀបចំជារៀងរាល់ឆ្នាំដើម្បីបង្ករលក្ខណៈឱ្យបងប្អូនប្រជាពលរដ្ឋបានកម្សាន្តសប្បាយស្របពេលដែលប្រទេសកម្ពុជាយើងកំពុងតែមានសុខសន្តិភាពស្ថេរភាពនយោបាយក្រោមការដឹកនាំរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។ ឯកឧត្តម ងួន រតនៈ បញ្ជាក់ថា អត្ថន័យនៃការប្រណាំងទូកមិនមែនជាការចង់ឈ្នះចង់ចាញ់ដើម្បីយករង្វាន់នោះទេគឺដើម្បីថែរក្សាវប្បធម៌ប្រពៃណីជាតិដ៏ល្អរបស់យើងជាតរៀងទៅ។ សូមបញ្ជាក់ថា ចំនួនទូកដែលបានដាក់ពាក្យចូលរួមប្រកួតគ្មានចំនួន៤១ ទូកក្នុងនោះទូក”ង”មានចំនួន ៤ទូក ទូកខ្នាតអន្តរជាតិចំនួន ១៦ទូកនិងទូកផ្កាចារមានចំនួន ២១ទូក៕ 

ព័ត៌មានជាតិ

អាវុធហត្ថ​រាជធានី​ភ្នំពេញ សូម​ធ្វើ​ការប្រកាស​ស្វែងរក​ម្ចាស់​ម៉ូតូ​

អាវុធហត្ថ​រាជធានី​ភ្នំពេញ សូម​ធ្វើ​ការប្រកាស​ស្វែងរក​ម្ចាស់​ម៉ូតូ​ចំនួន​០៣​គ្រឿង ដែល​មាន​ភិនភាគ​ដូចខាងក្រោម​៖ -​ម៉ូតូ​ទី​១ ម៉ាក Dream 125 ពណ៌​ខ្មៅ ស្លាក​លេខ ព្រៃវែង 1T-7338 ។​ -​ម៉ូតូ​ទី​២ ម៉ាក Dream 125 ពណ៌​ខ្មៅ ស្លាក​លេខ ពោធិ៍សាត់ 1E-4879​។​ ​ម៉ូតូ​ទី​៣ ម៉ាក​ស្គុប​ពី ពណ៌​ស លាយ​ពណ៌​ផ្កាឈូក គ្មាន​ស្លាក​លេខ​។​ ​អាវុធហត្ថ​ខណ្ឌមានជ័យ បានឲ្យដឹងថា ម៉ូតូ​ទាំង​០៣​គ្រឿង​ខាងលើ​នេះ ជា​ម៉ូតូ​ពាក់ព័ន្ធ​ករណី​ចោរកម្ម ហើយ​បាន​យក​មក​ទុក នៅ​ចំណុច​កន្លែងផ្ញើម៉ូតូ ២៤​ម៉ោង​/២៤​ម៉ោង មុខ​ផ្សារ​ដី​ថ្មី ភូមិ​ដំណាក់​ធំ​២ សង្កាត់​ស្ទឹងមានជ័យ​ទី​៣ ត្រូវបាន​សមត្ថកិច្ច​អាវុធហត្ថ​ខណ្ឌមានជ័យ ចុះ​ទៅដល់​កន្លែងកើតហេតុ ដើម្បី​យក​មក​រក្សាទុក​ស្រាវជ្រាវ​ស្វែងរក​ម្ចាស់​។​ ​បច្ចុប្បន្ន​ម៉ូតូ​ទាំង​០៣​គ្រឿង កំពុង​រក្សាទុក​នៅ​បញ្ជាការដ្ឋាន កងរាជអាវុធហត្ថ​រាជធានី​ភ្នំពេញ អាស្រ័យ​ហេតុ​ដូចនេះ បើ​ម្ចាស់​ម៉ូតូ​ឬ​បងប្អូន​ណា បាន​ស្គាល់​ម៉ូតូ​ដូច​ភិនភាគ​ខាងលើ សូម​មក​ទំនាក់ទំនង មក​កងរាជអាវុធហត្ថ​រាជធានី​ភ្នំពេញ ហើយ​សូម​ភ្ជាប់​មក​ជាមួយ​នូវ​ឯកសារ​ពាក់ព័ន្ធ​មក​ជាមួយ​ផង ដើម្បី​ទទួលយក​ម៉ូតូ​ត្រឡប់​ទៅ​វិញ​តាម​ការ​គួរ​៕