ព័ត៌មានជាតិ

ក្រុងដូនកែវផ្ទុះកក្រើកចោរកម្មជាច្រើនករណីបង្កឲ្យប្រជាពលរដ្ឋភ័យខ្លាចព្រោះអសន្តិសុខពេក 

ក្រុងដូនកែវផ្ទុះកក្រើកចោរកម្មជាច្រើនករណីបង្កឲ្យប្រជាពលរដ្ឋភ័យខ្លាចព្រោះអសន្តិសុខពេក

(ខេត្តតាកែវ)៖ កក្រើកខ្លាំងត្រឹមតែរយៈពេលប៉ុន្មានថ្ងៃប៉ុណ្ណោះ មានករណីចោរលួចទ្រព្យសម្បត្តិប្រជាជន នៅក្រុងដូនកែវ ទីរួមខេត្តតាកែវជាច្រើនករណីនិងបាត់ទ្រព្យមានតម្លៃជាច្រើនផងដែរ។ ខណៈសមត្ថកិច្ចពុំទាន់បង្រ្កាបក្រុមពួកជនសង្ស័យមិនទាន់បាននៅឡើយទេសូម្បី១ករណី។ករណីទី១៖ម៉ូតូ២គ្រឿងដែលម្ចាស់ទុកនៅក្នុងផ្ទះដោយមានរបងបិទជិត ត្រូវបានចោរ២នាក់ផ្លោះរបងចូលទៅរួចកាត់សោរទ្វារពីខាងក្នុងបន្ទាប់មកលួចយកទៅបាត់អស់ ក្នុងខណៈពេលដែលម្ចាស់ផ្ទះរវល់តែលង់លក់ក្នុងដំណេក។សកម្មភាពនេះបានបង្កឲ្យប្រជាពលរដ្ឋមានការភ័យខ្លាចយ៉ាងខ្លាំង ព្រោះតែអសន្តិសុខពេក ដោយនៅមុនករណីនេះ១ថ្ងៃ ក៏មានសកម្មចោរកាត់សោរចូលលួចម៉ូតូនៅក្នុងផ្ទះមួយកន្លែង លុះពេលម្ចាស់ផ្ទះទាន់ ត្រូវចោរបាញ់គ្រាប់ប៉ុន្តែសំណាងល្អអត់ត្រូវ។សកម្មភាព១យប់ចោរលួចម៉ូតូបាត់អស់២គ្រឿងនោះ បានកើតឡើងកាលពីវេលាចន្លោះម៉ោង១១និង៤៥នាទីដល់ម៉ោង២និង៤៥នាទីយប់រំលងអាធ្រាត្រថ្ងៃទី៨ ឈានចូលថ្ងៃទី៩ ខែវិច្ឆិកា ឆ្នាំ២០២២ នៅនៅភូមិថ្នល់បែក​ សង្កាត់រកាក្រៅ​ ក្រុងដូនកែវ​ ខេត្តតាកែវ​។ម៉ូតូដែលត្រូវចោរលួចយកទៅបាត់នោះ១គ្រឿងម៉ាក​Honda Scopy ពណ៌ផ្កាឈូកស៊េរីឆ្នាំ២០១៥ ពាក់ស្លាកលេខ​ តាកែវ​ 1K-3165 និង១គ្រឿងទៀតម៉ាក Honda Dream C125 ពណ៌ខ្មៅ​ ស៊េរីឆ្នាំ2020 ពាក់ស្លាកលេខ​ តាកែវ​1R -3035។ដែលជាកម្មសិទ្ធិរបស់លោក​ វេជ្ជបណ្ឌិត​ ឃឹម​ ធូ​ គ្រូពេទ្យនៃមន្ទីរពេទ្យបង្អែកខេត្តតាកែវ និងលោកស្រីសុខ​ តុញ​ ប្រធានផ្នែក​សម្ភព​ បម្រើ​ការងារ​នៅមន្ទីរពេទ្យបង្អែកខេត្តតាកែវ​។មានទីលំនៅបច្ចប្បន្ន​ ភូមិថ្នល់បែក​ សង្កាត់រកាក្រៅ​ ក្រុងដូនកែវ​ ខេត្តតាកែវ។តាមប្រភពពពីកន្លែងកើតហេតុបានប្រាប់ឲ្យបណ្ដាញព័ត៌មាន ដឹងថា នៅវេលាយប់ថ្ងៃកើតហេតុគាត់បានទុកម៉ូតូទាំង២គ្រឿងនៅក្នុងផ្ទះដែលមានរបងបិទជិតនិងបានចាក់សោរទ្វារត្រឹមត្រូវ បន្ទាប់មកក៏បានចូលដេកលង់លក់រហូតដល់ភ្លឺទើបដឹងថាបាត់ម៉ូតូ។បន្ទាប់មកបានឆែកកាមេរ៉ាសុវត្ថិភាពមើល បានឃើញចោរមានគ្នា២នាក់ជិះម៉ូតូទៅឈប់នៅជិតផ្ទះកើតហេតុ បន្ទាប់មកផ្លោះរបងចូលទៅកាត់សោរទ្វារផ្ទះពីខាងក្នុង រួចធ្វើសកម្មភាពលួច ម៉ូត។ប្រភពដដែលបានប្រាប់ឲ្យដឹងបន្តទៀតថា ដោយនៅវេលាម៉ោង១១និង៤៥នាទីយប់ថ្ងៃទី៨ ខែវិច្ឆិកា ចោរបានលួចយកម៉ូតូ១គ្រឿងម៉ាកហុងដាស្កូបពីបានសម្រេចរួចជិះយកទៅដោយបាត់។លុះដល់វេលាម៉ោង២និង៤៥នាទីឈានចូលថ្ងៃទី៩ ខែវិច្ឆិកា គឺចន្លោះពេលត្រឹមតែ២ម៉ោងប៉ុណ្ណោះចោរដដែលបានត្រឡប់ទៅផ្ទះដដែលនោះម្ដងទៀត រួចលួចយកម៉ូតូម៉ាកហុងដាឌ្រីមសេ១២៥ បានសម្រេច១គ្រឿងទៀតនិងបានគេចខ្លួនទៅបាត់ដោយសុវត្ថិភាព។ទាក់ទងទៅនិងអំពើចោរកម្មនោះម្ចាស់ផ្ទះបានស្នើរសុំឲ្យសមត្ថកិច្ចខេត្តតាកែវមេត្តាជួយធ្វើការស្រាវជ្រាវរកម៉ូតរបស់គាត់មកវិញផង ព្រមទាំងជួយវែកមុខរកក្រុមចោរខាងលើនោះយកមកផ្ដន្ទាទោសតាមច្បាប់ផង។ដោយឡែកករណីទី២៖កាលវេលា​ម៉ោង​ ៩:​ ០៤​ នាទី​ព្រឹក​ ថ្ងៃ​ទី​១១​ ខែវិច្ឆិកា ឆ្នាំ​២០២២​នេះ នៅ​ចំណុច​ភូមិ​ត្រពាំង​សាលា សង្កាត់​រកា​ក្រៅ ក្រុង​ដូន​កែវ ខេត្តតាកែវ មានម៉ូតូមួយគ្រឿងមានគ្នា​ ៤​ អ្នក​មកក្រវ៉ែលផ្ទះរបស់ប្រជាពលរដ្ឋដែលជាអាជីវករលក់ដូ​ នៅក្រុងដូនកែវ ចោរកម្មលួចសឹងរាល់ថ្ងៃ អ្នកស្រុកកំពុងភ័យខ្លាច បញ្ហាអសន្តិសុខ នៅទីរួមខេត្តតាកែ។ករណីទី៤៖នៅ​​ថ្ងៃទី​២៩​ ខែតុលា​ ឆ្នាំ​២០២២​នេះ វេលាម៉ោង​ ២:​ ១៤​ ទៀបភ្លឺ​ នៅ​ចំណុច​ភូមិត្រាំសង្កាត់​រកា​ក្រៅ ក្រុង​ដូន​កែវ ខេត្តតាកែវ មានចោបានចូលលួចម៉ូតូ​ តែត្រូវបានម្ចាស់ផ្ទះងេីបទាន់ស្រែក​ ។ករណីទី៤៖វេលា​ម៉ោង​៣​ទៀប​ភ្លឺ ថ្ងៃ​ទី​០៧ ខែវិច្ឆិកា ឆ្នាំ​២០២២​នេះ នៅ​ផ្ទះមួយស្ថិតនៅក្នុង​ភូមិ​ត្រពាំង​សាលា សង្កាត់​រកា​ក្រៅ ក្រុង​ដូន​កែវ ខេត្តតាកែវ។ មាន​ចោរ​២​នាក់ បាន​ឡើង​លបចូលទៅធ្វើសកម្មភាព​កាត់​សោរ​ទ្វារផ្ទះ​មួយ​កន្លែងលួច​យក​ម៉ូតូ​១គ្រឿង ប៉ុន្តែត្រូវម្ចាស់ទាន់ស្រែកឆោឡោក្រុមចោរក៏បសនបាញ់២គ្រាប់តែសំណាងល្អអត់ត្រូវ។ តាមប្រភពពីប្រជាពលរដ្ឋបានប្រាប់ថា ម៉ូតូខាងលើម៉ាក Mslaz មួយ​គ្រឿង ស៊េរី​ឆ្នាំ​២០១៨ ពណ៌​ប្រផេះ ពាក់​ស្លាក​លេខ ភ្នំពេញ​1HG 3976 ជាកម្មសិទ្ធិរបស់ឈ្មោះ ហ៊​ន រ៉ា​យុ ភេទ​ប្រុស អាយុ​២២​ឆ្នាំ រស់នៅ​ទីតាំង​កើតហេតុ​ខាងលើ​។នៅយប់កើតហេតុម្ចាស់បានទុកម៉ូតូនៅក្នុងផ្ទះ ហើយ​ក្រុម​ចោរ​ក៏បានកាត់សោរទ្វារចូលលួចបានរួចអូស​បណ្តើរ​ម៉ូតូ​ចេញ​សំដៅទៅ​ផ្លូវជាតិ ពេលនោះម្ចាស់បានភ្ញាក់​ពីដំណេកឃើញ​ទាន់ក៏​ស្រែ​កថា «​ចោរ​ៗ» ។ប្រភពដដែលបានបញ្ជាក់ប្រាប់ថា ពេល​នោះ​ចោរ​ទាំង​ពី​នាក់​ក៏​បានដក​កាំ​ភ្លើ​.​ង​ខ្លី មិន​ស្គាល់​ម៉ាក បាញ់​ចំនួន​២​គ្រា​.​ប់ តែ​មិន​បាន​ត្រូវ​ជនរងគ្រោះនោះ​ឡើយ។ ស្រប​ពេល​នោះ ក្រុម​ចោរ​ក៏​បាន​បញ្ឆេះ​ម៉ូតូ​ដែល​លួច​បាន​អត់​ឆេះ ក៏​ផ្តួល​ម៉ូតូ​ចោល រួច​រត់ឡើង​ម៉ូតូ​១​គ្រឿង​ទៀត​មិន​ស្គាល់​ម៉ាក ជិះ​គេចខ្លួន​បាត់​ដោយ​សុវត្ថិភាព​។រោយ​ពេល​កើតហេតុ សមត្ថកិច្ច​បាន​ចុះ​ដល់​កន្លែង​កើតហេតុ និង​រក​ឃើញ​វត្ថុ​តាង​មាន​បង់​កាំ​ភ្លើ​.​ង​១ មាន​គ្រាប់​កាំ​ភ្លើ​.​ង​ចំនួន​៤​គ្រា​.​ប់ សំបក​ក​ន្ទុះ​២ និង​ស្បែកជើង​១​គូរ​ផង​ដែរ​បន្ទាប់ពីមានភាពអសន្តិសុខខ្លាំងបែបនេះបានបង្កឲ្យប្រជាពលរដ្ឋមានការភ័យខ្លាចខ្លាំងណាស់និងបានសំណូមពេលដល់សមត្ថកិច្ចមូលដ្ឋានខាងលើគួរតែមានវិធានការធ្វើយ៉ាងណាលុបបំបាត់ឲ្យបាននូវអំពើចោរកម្មលួច ឆក់ ប្លន់ ឲ្យបានផងដើម្បីឲ្យពួកគាត់មានទំនុកចិត្តនិងភាពកក់ក្ដៅ៕

Leave a Reply

Your email address will not be published. Required fields are marked *