ព័ត៌មានជាតិ

ឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន អញ្ជើញជាអធិបតី សិក្ខាសាលាសី្តពី បរិវត្កកម្ម ឌីជីថល

ឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន លោកជំទាវសាស្រ្តចារ្យឱសថបណ្ឌិត ខៀវ ទេពរង្ស៊ី កាញារីទ្ធ ប្រធានកិត្តិយសនៃសមាគមនារីកម្ពុជាដើម្បីសន្តិភាព និងអភិវឌ្ឍន៍សាខាក្រសួងព័ត៌មាន អញ្ជើញជាអធិបតី សិក្ខាសាលាសី្តពី បរិវត្កកម្ម ឌីជីថល ថ្ងៃទី២២ ខែវិច្ឆិកា ឆ្នាំ២០២២ នាទីស្តីការក្រសួងព័ត៌មាន ។ សិក្ខាកាមចូលរួមចំនួន១២៣ រូប ជានារី ហើយសិក្ខាសាលាស្តីពី ”បរិវត្តកម្មឌីជីថល“ ធ្វើឡើងក្នុងគោលបំណងលើកកម្ពស់ស្មារតី បង្កើនសមត្ថភាពយល់ដឹងជូនដល់សមាជិកាទាំងអស់ និងបង្ហាញពីការយកចិត្តទុកដាក់របស់ថ្នាក់ដឹកនាំនៃក្រសួងព័ត៌ មាន ទាក់ទងទៅនឹងការប្រើប្រាស់បច្ចេកវិទ្យា ៕

ព័ត៌មានជាតិ

TYDA បានចុះពិនិត្យព្យាបាល និងអប់រំសុខភាពមាត់ធ្មេញ ដល់សិស្សានុសិស្សអនុវិទ្យាល័យគោកបញ្ជាន់ ក្រោមបរិយាកាស រីករាយ ស្និទ្ធស្នាល និងស្នាមញញឹម

លោកវេជ្ជបណ្ឌិត ស៊ឹម ស៊ូយេង អនុប្រធានប្រតិបត្តិសមាគមTYDA បានមានប្រសាសន៍ថា ឯកឧត្តម ហ៊ុន ម៉ាណែត និងលោកជំទាវ ពេជ ចន្ទមុន្នី ប្រធាន អនុប្រធានក្រុមប្រឹក្សាភិបាល តែងតែយកចិត្តទុកដាក់យ៉ាងខ្លាំងក្នុងការសុខមាលភាពរបស់ប្រជាពលរដ្ឋ និយាយជារួម និងនិយាយដោយឡែកលោកទាំងពីរបានយកចិត្តទុកដាក់ខ្លាំងចំពោះសុខមាលភាពក្មួយៗសិស្សានុសិស្ស ដែលជាទំពាំងស្នងឬស្សី។   លោកវេជ្ជបណ្ឌិត ស៊ឹម ស៊ូយេង បានបន្ថែមទៀតថា សុខភាពមាត់ធ្មេញមានសារៈសំខាន់ណាស់សម្រាប់ក្មួយៗសិស្សានុសិស្ស ព្រោះនៅពេលដែលសុខភាពមាត់ធ្មេញរឹងមាំ សុខភាពទូទៅកាន់តែល្អប្រសើរ ហើយរាង្គកាយរឹងមាំ នោះក្មួយៗមករៀនសូត្របានទៀងទាត់ ដែលនឹងឱ្យក្មួយរៀនពូកែ និងលទ្ធផលសិក្សាបានល្អ។ លោកវេជ្ជបណ្ឌិតក៏បញ្ជាក់ថារហូតមកដល់សព្វថ្ងៃនេះ TYDA មានអាយុ១០ឆ្នាំហើយ ដោយមានសមាជិកជាង ៨ពាន់នាក់ ហើយក្នុងរយៈពេល១០ឆ្នាំនេះ TYDA បានព្យាបាលជំងឺទូទាំងប្រទេសបានជាង ៣៥ម៉ឺននាក់ ហើយអ្នកជំងឺធ្ងន់ធ្ងរចំនួនជាង ៦ពាន់នាក់ ត្រូវបានសមាគមបញ្ចូនមកព្យាបាលបន្តនៅរាជធានីភ្នំពេញ និងជាមួយដៃគូរសហការនានា ក្នុងនោះអ្នកជំងឺបេះដូងធ្ងន់ធ្ងរចំនួន ៥៨នាក់ បានបញ្ចូនមក និង វះកាត់ដោយជោគជ័យផងដែរ។   លោកស្រី ឈុន ស៊ុននី អភិបាលរងនៃគណៈអភិបាលខណ្ឌពោធិ៍សែនជ័យ បានថ្លែងអំណរគុណសម្តេចតេជោ ហ៊ុន សែន […]

ព័ត៌មានជាតិ

ឯកឧត្តម ខៀវ កាញារីទ្ធ និងលោកជំទាវ អញ្ជើញជាអធិបតី ការប្រកួតវគ្គផ្តាច់ព្រ័ត្រការប្រឡងចំរៀង «I AM A SINGER CAMBODIA» រដូវកាលទី៣

ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន និងលោកជំទាវ ខៀវទេព រង្ស៊ីកាញារីទ្ធ អញ្ជើញចូលរួមជាគណៈអធិបតី ក្នុងការប្រកួតវគ្គផ្តាច់ព្រ័ត្រការប្រឡងចំរៀង «I AM A SINGER CAMBODIA» រដូវកាលទី៣ នាល្ងាចថ្ងៃសៅរ៍ទី១៩ ខែវិច្ឆិកា ឆ្នាំ២០២២ នៅស្ទូឌីយោហង្សមាសក្នុងផ្សារទំនើបអីអនម៉ល រាជធានីភ្នំពេញ។ ក្នុងឱកាសនោះ ឯកឧត្តម និងលោកជំទាវ ក៏បានអញ្ជើញប្រគល់ពានរង្វាន់ដល់ បេក្ខនារី ឌី សូនិត្តា ដែលជាម្ចាស់ជ័យលាភីលេខ១ ផងដែរ។

ព័ត៌មានជាតិ

រដ្ឋមន្ត្រីក្រសួងសុខាភិបាលជំរុញឲ្យក្រុមគ្រូពេទ្យចុះចាក់វ៉ាក់សាំងការពារជំងឺកូវីដ១៩ដូសជម្រុញដល់ភូមិរបស់ប្រជាពលរដ្ឋ

នៅក្នុងឱកាសអញ្ជើញចូលរួមចុះបឋមសិលាកសាងអាគារមន្ទីរពេទ្យបង្អែកអង្គរការ នៅក្នុងស្រុកត្រាំកក់ ខេត្តតាកែវ នៅព្រឹកថ្ងៃ សុក្រ ទី ១៨ ខែ វិឆ្ឆិការ ឆ្នាំ ២០២២នេះ រដ្ឋមន្រ្តីក្រសួងសុខាភិបាលឯកឧត្តម ម៉ម ប៊ុនហេង បានធ្វើការជម្រុញដល់ក្រុមគ្រូពេទ្យនៅមូលដ្ឋានធ្វើយ៉ាងណាចុះទៅចាក់វ់ាក់សាំងការពារជំងឺកូវីដដូសជម្រុញជូនបងប្អូនប្រជាពលរដ្ឋដល់ភូមិឃុំនិងដល់លំនៅដ្ឋាន។   ឯកឧត្តម ម៉ម ប៊ុនហេង បានមានប្រសាសន៍បន្តថា ជំងឺកូវីដ១៩មិនទាន់បាត់ទាំងស្រុងនៅឡើយទេ ជំងឺនេះនៅបន្តឆ្លងរីករាលដាលបើយើងមិនធ្វើការទប់ស្កាត់អោយបានជាប់ជាប្រចាំតាមរយៈការចាក់វ៉ាក់សាំងឲ្យបានគ្រប់ចំនួនដូសទៅតាមការណែនាំរបស់ក្រសួងសុខាភិបាល។ បច្ចុប្បន្នមានបងប្អូនប្រជាពលរដ្ឋជាច្រើនបានចូលខ្លួនមកចាក់វ៉ាក់សាំងក៍ប៉ុន្តែការចាក់វ៉ាក់សាំងរបស់បងប្អូណប្រជាពលរដ្ឋយើងមួយចំនួនមិនបានចាក់គ្រប់ដូសនោះទេ។   ឯកឧត្តមរដ្ឋមន្រ្តីក្រសួងសុខាភិបាលបានថ្លែងបន្តថា ដើម្បីអោយការចាក់វ៉ាក់សាំងដូសជម្រុញជូនបងប្អូនប្រជាពលរដ្ឋឲ្យបានគ្រប់ដូស ក្រុមគ្រូពេទ្យគួតែធ្វើសកម្មភាពដល់ភូមិរបស់បងប្អូនប្រជាពលរដ្ឋនៅពេលមានកម្មវិធីបុណ្យទាននៅតាមភូមិ តាមវត្តអារ៉ាមឬកម្មវិធីជួបជុំអ្វីមួយ ព្រោះបងប្អូនប្រជាពលរដ្ឋខ្លះលោកមិនមានពេលវេលាគ្រប់គ្រាន់មកចាក់វ៉ាក់សាំងនៅតាមមណ្ឌលសុខភាពឬនៅតាមមន្ទីរពេទ្យបង្អែកនានានោះទេ។ នៅក្នុងឱកាសនោះឯកឧត្តម ម៉ម ប៊ុនហេង រដ្ឋមន្រ្តីក្រសួងសុខាភិបាលក៍បានលើកទឹកចឹត្តដល់ក្រុមគ្រូពេទ្យទាំងអស់ឲ្យប្រឹងប្រែងព្យាបាលជំងឺជូនបងប្អូនប្រជាពលរដ្ឋអោយបានល្អនិងប្រកបដោយសិលធម៌វិជ្ជាជីវៈ ដែលនឹងនាំឲ្យបងប្អូនប្រជាពលរដ្ឋខ្មែរយើងកាន់តែមានជំនឿជឿជាក់លើក្រុមគ្រូពេទ្យខ្មែរយើងបន្ថែមទៀត៕

ព័ត៌មានជាតិ

ឯកឧត្តម គួច ចំរើន ដឹកនាំកិច្ចប្រជុំត្រួតពិនិត្យវឌ្ឍនភាព នៃការរៀបចំបុណ្យសមុទ្រលើកទី៩ ជុំទី៣ និងមហាសន្និបាតក្លិបឆ្នេរសមុទ្រដែលស្អាតបំផុតលើសកលលោក

ព្រះសីហនុ ថ្ងៃទី១៨ ខែវិច្ឆិកា ឆ្នាំ២០២២ នារសៀលថ្ងៃសុក្រ ១០រោច ខែកត្តិក ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៨ ខែវិច្ឆិកា ឆ្នាំ២០២២ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញដឹកនាំកិច្ចប្រជុំត្រួតពិនិត្យវឌ្ឍនភាព នៃការរៀបចំបុណ្យសមុទ្រលើកទី៩ ជុំទី៣ និងមហាសន្និបាតក្លិបឆ្នេរសមុទ្រដែលស្អាតបំផុតលើសកលលោកឆ្នាំ២០២២ នៅសាលា ខេត្តព្រះសីហនុ ដោយមាការចូលរួមពីលោកអភិបាលរងខេត្ត អភិបាលក្រុង ស្រុក ប្រធានមន្ទីរ អង្គភាពពាក់ព័ន្ធក្នុងខេត្តព្រះសីហនុ។   ឯកឧត្តម គួច ចំរើន អភិបាលខេត្តព្រះសីហនុ បានគូសបញ្ជាក់ថា យើងបានរៀបចំ អនុគណៈកម្មការនីមួយៗក្នុងការទទួលខុសត្រូវរៀបចំផែនការ សកម្មភាពតាម ផែននីមួយៗ ហើយចំណុចអ្វីខ្លះដែលមានបញ្ហាប្រឈម ដើម្បីយើងលើកយក មកពិនិត្យរួមគ្នាធ្វើការ ដោះស្រាយឱ្យបានសមស្រប។ ត្រៀមលក្ខណៈក្នុងការចូលរួមរៀបចំតុបតែងកែលម្អនៅ តាមទីតាំងនីមួយៗមានដូចជា តាមលំនៅឋានជាដើម ដូច្នេះយើងត្រូវចលនាបងប្អូន ប្រជាពលរដ្ឋ ក្រុមហ៊ុន រោងចក្រ សហគ្រាស សណ្ឋាគារ ផ្ទះសំណាក់រៀបចំដាក់តាំង កែលម្អលើកកម្ពស់សោភណភាព […]

ព័ត៌មានជាតិ

ស្ត្រី​អ្នកជំនួញ​ហាយសូរម្នាក់ ឈ្មោះ ពេជ្រ ស្រីមុំ ដែលល្បីខាងឆបោកមនុស្សជាច្រើននាក់

ព័ត៌មានបឋម! ស្ត្រី​អ្នកជំនួញ​ហាយសូរម្នាក់ ឈ្មោះ ពេជ្រ ស្រីមុំ ដែលល្បីខាងឆបោកមនុស្សជាច្រើននាក់ អស់ទឹកប្រាក់រាប់លានដុល្លារ ត្រូវបានកម្លាំងជំនាញកងរាជអាវុធហត្ថរាជធានីភ្នំពេញ ចុះឃាត់ខ្លួននៅវេលាម៉ោង ១១និង៣០នាទី ថ្ងៃទី១៧ ខែវិច្ឆិកា ឆ្នាំ២០២២ នៅចំណុចផ្ទះលេខ៤ដេ ផ្លូវដាវីន បុរី វរជន ក្នុងកោះពេជ្រ សង្កាត់ទន្លេបាសាក់ ខណ្ឌចំការមន រាជធានីភ្នំពេញ តាមដីកាបញ្ជាអោយចូលខ្លួន របស់ឯកឧត្ដម ច្រឹង ខ្មៅ ព្រះរាជអាជ្ញានៃអយ្យកាអមសាលាដំបូងរាជធានីភ្នំពេញ លេខ ៤៨០ អ.យ.ក ចុះថ្ងៃទី២៨ ខែតុលា ឆ្នាំ២០២២ ពាក់ព័ន្ធករណីមិនបំពេញកាតព្វកិច្ចចំពោះឧបករណ៍ដែលអាចជូនដូរបាន ដែលការឃាត់ខ្លួននេះ មានការដឹកនាំអនុវត្ត និងសម្របសម្រួលដោយលោកព្រះរាជអាជ្ញារង គឹម ហុងសាន។ ក្រៅពីនេះ ស្រ្តីខាងលើនៅមានជាប់ពាក់ព័ន្ធបណ្តឹងជាច្រើនទៀត ដែលបានប្តឹងចូលទាំង អាវុធហត្ថ នគរបាល និងតុលាការ ថែមទៀតផង៕

ព័ត៌មានជាតិ

ម៉ូតូ​០២​គ្រឿង​ទៀត ក្នុងចំណោម​ម៉ូតូ​០៣​គ្រឿង ដែល​អាវុធហត្ថ​រាជធានី​ភ្នំពេញ ប្រកាស​ស្វែងរក​ម្ចាស់ ត្រូវបាន​ម្ចាស់​មក​ទទួលយក​ទៅ​វិញ​!

​កាលពី​ថ្ងៃ​ទី​០៥ ខែវិច្ឆិកា ឆ្នាំ​២០២២ ផេក​ផ្លូវកា​ររបស់​អាវុធ​ហត្ថ​រាជធានី​ភ្នំពេញ បាន​ធ្វើ​ការប្រកាស​ស្វែងរក​ម្ចាស់​ម៉ូតូ​ចំនួន​០៣​គ្រឿង ដែល​ជា​ម៉ូតូ​ពាក់ព័ន្ធ​ករណី​ចោរកម្ម ហើយ​បាន​យក​មក​ទុក នៅ​ចំណុច​កន្លែងផ្ញើម៉ូតូ ២៤​ម៉ោង​/២៤​ម៉ោង មុខ​ផ្សារ​ដី​ថ្មី ភូមិ​ដំណាក់​ធំ​២ សង្កាត់​ស្ទឹងមានជ័យ​ទី​៣ ខណ្ឌមានជ័យ រាជធានី​ភ្នំពេញ​។​   ​បន្ទាប់ពី​បាន​ប្រកាស​ស្វែងរក​ម្ចាស់​ម៉ូតូ​ចំនួន​០៣​គ្រឿង​រួចមក កាលពី​ថ្ងៃ​ទី​០៦ ខែវិច្ឆិកា ឆ្នាំ​២០២២ ម៉ូតូ​០១​គ្រឿង ម៉ាក Dream 125 ពណ៌​ខ្មៅ ស្លាក​លេខ ព្រៃវែង 1T-7338 ត្រូវបាន​ម្ចាស់​ទទួលយក​ទៅ​វិញ​ហើយ​។ ដោយឡែក​នៅ​ថ្ងៃ​ទី​១៦ ខែវិច្ឆិកា ឆ្នាំ​២០២២​នេះ ម៉ូតូ​ចំនួន​០២​គ្រឿង​ទៀត រួមមាន ៖ ម៉ូតូ ម៉ាក Dream 125 ពណ៌​ខ្មៅ ស្លាក​លេខ ពោធិ៍សាត់ 1E-4879 និង ម៉ូតូ ម៉ាក​ស្គុប​ពី ពណ៌​ស លាយ​ពណ៌​ផ្កាឈូក គ្មាន​ស្លាក​លេខ ត្រូវបាន​ម្ចាស់​យក​ឯកសារ​មក​បង្ហា​ញ​ដល់​សមត្ថកិច្ច​អាវុធហត្ថ​ជា​បន្តបន្ទាប់​បញ្ជាក់ថា​ជា​ម្ចាស់​ម៉ូតូ​ពិតប្រាកដ និង​ទទួលយក​ទៅ​វិញ​ផងដែរ​។ ម្ចាស់​ម៉ូតូ​ទាំង​០២​គ្រឿង​នេះ​បញ្ជាក់​ឲ្យដឹង​ដូចគ្នាថា ត្រូវបាន​ក្រុម​ជនសង្ស័យ​បាន​ធ្វើ​សកម្មភាព​លួច​កាច់​ក ពី​ខេត្ត​ព្រៃវែង អស់​ជាច្រើន​ថ្ងៃ​មក​ហើយ ហើយ​ពួក​ខ្លួន​មិន​បាន​ប្តឹង​សមត្ថកិច្ច […]

ព័ត៌មានជាតិ

យោធិន​នៃ​កងរាជអាវុធហត្ថ​រាជធានី​ភ្នំពេញ ០៩​នាក់ ត្រូវបាន​ដាក់ឲ្យ​ចូលនិវត្តន៍ ព្រម​គ្នា​ជាមួយ​យោធិន​នៃ​កងរាជអាវុធហត្ថ ជាង​១០០​នាក់​ផ្សេង​ទៀត ទូទាំង​ប្រទេស​!

នា​ព្រឹក​ថ្ងៃទី​១៦ ខែវិច្ឆិកា ឆ្នាំ​២០២២ បញ្ជាការដ្ឋាន កងរាជអាវុធហត្ថ​លើ​ផ្ទៃ​ប្រទេស ក៏ដូចជា បណ្តា​អាវុធហត្ថ​រាជធានី​ខេត្ត​ទាំង​២៥ បាន​រៀបចំ​ពិធី​សំណេះសំណាល បំពាក់​ឋានន្តរសក្តិ ជូន​គ្រឿង​ឥស្សរិយយស ជូន​ដល់​យោធិន​នៃ​កងរាជអាវុធហត្ថ​សោធន​និវត្តន៍ និង​ពិការ ១៣៦​នាក់ ត្រៀម​ផ្ទេរចេញ​ក្នុង​ឆ្នាំ​២០២២ ក្រោម​អធិបតីភាព​ដ៏​ខ្ពង់ខ្ពស់ លោកនាយ​ឧត្តមសេនីយ៍ សៅ សុខា អគ្គមេបញ្ជាការ​រង កងយោធពល​ខេមរភូមិន្ទ មេបញ្ជាការ កងរាជអាវុធហត្ថ​លើ​ផ្ទៃ​ប្រទេស តាម​ប្រព័ន្ធ Video Conference​។​ ​ក្នុង​ឱកាស​នេះ​ផងដែរ យោធិន​នៃ​កងរាជអាវុធហត្ថ​រាជធានី​ភ្នំពេញ ដែល​ត្រូវបាន​ដាក់ឲ្យ​ចូលនិវត្តន៍ ត្រៀម​ផ្ទេរចេញ​ក្នុង​ឆ្នាំ​២០២២​នេះ មាន​ចំនួន​០៩​នាក់ បាន​ចូលរួម​តាម Video Conference ចេញពី​បញ្ជាការដ្ឋាន កងរាជអាវុធហត្ថ រាជធានី​ភ្នំពេញ ដើម្បី​ស្តាប់​ប្រសាសន៍​ដឹកនាំ​ដ៏​ខ្ពង់ខ្ពស់ របស់​លោកនាយ​ឧត្តមសេនីយ៍ សៅ សុខា ព្រម​គ្នា​ជាមួយ​យោធិន នៃ​កងរាជអាវុធហត្ថ​សោធន​និវត្តន៍ និង​ពិការ តាម​បណ្តា​ខេត្ត​ទាំង​២៤​។ ​ក្រោយ​ពី​លោកនាយ​ឧត្តមសេនីយ៍ សៅ សុខា ធ្វើការ​សំណេះសំណាល​តាម Video Conference ចប់ មេបញ្ជាការ តាម​បណ្តា​រាជធានី​ខេត្ត បាន​ធ្វើ​ពិធី បំពាក់​ឋានន្តរសក្តិ […]

ព័ត៌មានជាតិ

វេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តរតនគិរី អាណត្តិទី៣ នៅស្រុកវើនសៃ

ថ្លែងនៅក្នុងវេទិការផ្សព្វផ្សាយ និងពិគ្រោះយោបល់ របស់ក្រុមប្រឹក្សាខេត្តរតនគិរីអាណត្តិទី៣ នៅក្នុងបរិវេណវត្តបានហ្វាំង ភូមិហ្វាំង ឃុំប៉ុង ស្រុកវើនសៃ នៅព្រឹកថ្ងៃទី១៥ ខែវិច្ឆិកាធ្ឆ្នាំ២០២២នេះ ឯកឧត្តម ណាប់ ប៊ុនហេងប្រធានក្រុមប្រឹក្សាខេត្តរតនគិរី បានបញ្ជាក់ប្រាប់ ទៅកាន់ប្រជាពលរដ្ឋចូលរួមជិត២០០នាក់ថា គោលបំណងរបស់   វេទិការនេះ គឺធ្វើឡើងដើម្បីផ្សព្វផ្សាយអំពីតួនាទី ភារកិច្ចរបស់ក្រុមប្រឹក្សា និងគណៈអភិបាលខេត្ត ព្រមទាំងលទ្ធផលសំខាន់ៗ ដែលរដ្ឋបាលខេត្តទទួលបាន តាមរយៈការអនុវត្តនូវសកម្មភាពនានាបណ្តាឆ្នាំកន្លងមក និងធ្វើការពិភាក្សា ពិគ្រោះយោបល់ ជាមួយបងប្អូនប្រជាពលរដ្ឋ ដើម្បីរកនូវបញ្ហាអាទិភាព សម្រាប់រដ្ឋបាលខេត្តយកទៅធ្វើការពិចារណាដោះស្រាយ និងបន្តអនុវត្ត ដើម្បីលើកកម្ពស់ជីវភាពប្រជាពលរដ្ឋនៅគ្រប់មូលដ្ឋាន ភូមិ ឃុំ ស្រុក ឱ្យកាន់តែល្អប្រសើរឡើង ។   ក្នុងឱកាសនោះដែរ ឯកឧត្តម ណាប់ ប៊ុនហេង ក៏បានលើកទឹកចិត្តដល់បងប្អូនប្រជាពលរដ្ឋ និងអ្នកចូលរួមទាំងអស់សូមចូលរួមលើកឡើងនូវទុក្ខកង្វល់ បញ្ហាប្រឈម និងសំណូមពរនានា ក្នុងវេទិការនេះឱ្យបានច្រើន ពីព្រោះប្រជាពលរដ្ឋគ្រប់រូប មានសិទ្ធិស្មើៗគ្នា ក្នុងការបញ្ចេញមតិយោបល់តាមរយៈការនិយាយ ផ្ទាល់មាត់ និងការសរសេរលើក្រដាស ហើយក្រុមប្រឹក្សាខេត្ត នឹងធ្វើការប្រមូលនូវរាល់មតិយោបល់ បញ្ហាប្រឈម និងសំណូមពរទាំងនោះ មកធ្វើការពិភាក្សាបកស្រាយបំភ្លឺឱ្យបានច្បាស់លាស់ […]

ព័ត៌មានជាតិ

ក្រុងដូនកែវផ្ទុះកក្រើកចោរកម្មជាច្រើនករណីបង្កឲ្យប្រជាពលរដ្ឋភ័យខ្លាចព្រោះអសន្តិសុខពេក 

ក្រុងដូនកែវផ្ទុះកក្រើកចោរកម្មជាច្រើនករណីបង្កឲ្យប្រជាពលរដ្ឋភ័យខ្លាចព្រោះអសន្តិសុខពេក (ខេត្តតាកែវ)៖ កក្រើកខ្លាំងត្រឹមតែរយៈពេលប៉ុន្មានថ្ងៃប៉ុណ្ណោះ មានករណីចោរលួចទ្រព្យសម្បត្តិប្រជាជន នៅក្រុងដូនកែវ ទីរួមខេត្តតាកែវជាច្រើនករណីនិងបាត់ទ្រព្យមានតម្លៃជាច្រើនផងដែរ។ ខណៈសមត្ថកិច្ចពុំទាន់បង្រ្កាបក្រុមពួកជនសង្ស័យមិនទាន់បាននៅឡើយទេសូម្បី១ករណី។ករណីទី១៖ម៉ូតូ២គ្រឿងដែលម្ចាស់ទុកនៅក្នុងផ្ទះដោយមានរបងបិទជិត ត្រូវបានចោរ២នាក់ផ្លោះរបងចូលទៅរួចកាត់សោរទ្វារពីខាងក្នុងបន្ទាប់មកលួចយកទៅបាត់អស់ ក្នុងខណៈពេលដែលម្ចាស់ផ្ទះរវល់តែលង់លក់ក្នុងដំណេក។សកម្មភាពនេះបានបង្កឲ្យប្រជាពលរដ្ឋមានការភ័យខ្លាចយ៉ាងខ្លាំង ព្រោះតែអសន្តិសុខពេក ដោយនៅមុនករណីនេះ១ថ្ងៃ ក៏មានសកម្មចោរកាត់សោរចូលលួចម៉ូតូនៅក្នុងផ្ទះមួយកន្លែង លុះពេលម្ចាស់ផ្ទះទាន់ ត្រូវចោរបាញ់គ្រាប់ប៉ុន្តែសំណាងល្អអត់ត្រូវ។សកម្មភាព១យប់ចោរលួចម៉ូតូបាត់អស់២គ្រឿងនោះ បានកើតឡើងកាលពីវេលាចន្លោះម៉ោង១១និង៤៥នាទីដល់ម៉ោង២និង៤៥នាទីយប់រំលងអាធ្រាត្រថ្ងៃទី៨ ឈានចូលថ្ងៃទី៩ ខែវិច្ឆិកា ឆ្នាំ២០២២ នៅនៅភូមិថ្នល់បែក​ សង្កាត់រកាក្រៅ​ ក្រុងដូនកែវ​ ខេត្តតាកែវ​។ម៉ូតូដែលត្រូវចោរលួចយកទៅបាត់នោះ១គ្រឿងម៉ាក​Honda Scopy ពណ៌ផ្កាឈូកស៊េរីឆ្នាំ២០១៥ ពាក់ស្លាកលេខ​ តាកែវ​ 1K-3165 និង១គ្រឿងទៀតម៉ាក Honda Dream C125 ពណ៌ខ្មៅ​ ស៊េរីឆ្នាំ2020 ពាក់ស្លាកលេខ​ តាកែវ​1R -3035។ដែលជាកម្មសិទ្ធិរបស់លោក​ វេជ្ជបណ្ឌិត​ ឃឹម​ ធូ​ គ្រូពេទ្យនៃមន្ទីរពេទ្យបង្អែកខេត្តតាកែវ និងលោកស្រីសុខ​ តុញ​ ប្រធានផ្នែក​សម្ភព​ បម្រើ​ការងារ​នៅមន្ទីរពេទ្យបង្អែកខេត្តតាកែវ​។មានទីលំនៅបច្ចប្បន្ន​ ភូមិថ្នល់បែក​ សង្កាត់រកាក្រៅ​ ក្រុងដូនកែវ​ ខេត្តតាកែវ។តាមប្រភពពពីកន្លែងកើតហេតុបានប្រាប់ឲ្យបណ្ដាញព័ត៌មាន ដឹងថា នៅវេលាយប់ថ្ងៃកើតហេតុគាត់បានទុកម៉ូតូទាំង២គ្រឿងនៅក្នុងផ្ទះដែលមានរបងបិទជិតនិងបានចាក់សោរទ្វារត្រឹមត្រូវ បន្ទាប់មកក៏បានចូលដេកលង់លក់រហូតដល់ភ្លឺទើបដឹងថាបាត់ម៉ូតូ។បន្ទាប់មកបានឆែកកាមេរ៉ាសុវត្ថិភាពមើល បានឃើញចោរមានគ្នា២នាក់ជិះម៉ូតូទៅឈប់នៅជិតផ្ទះកើតហេតុ បន្ទាប់មកផ្លោះរបងចូលទៅកាត់សោរទ្វារផ្ទះពីខាងក្នុង រួចធ្វើសកម្មភាពលួច ម៉ូត។ប្រភពដដែលបានប្រាប់ឲ្យដឹងបន្តទៀតថា […]