ខេត្តកំពត ៖ នាថ្ងៃពុធ ទី២៩ ខែមករា ឆ្នាំ២០២៥នេះ ដោយមានការយកចិត្តទុកដាក់ខ្ពស់ចំពោះទុក្ខលំបាករបស់បងប្អូនប្រជាពលរដ្ឋដែលមានជីវភាពខ្វះខាត ពីឯកឧត្តមបណ្ឌិត ហ៊ុន សុខា ទីប្រឹក្សារបស់សម្តេចអគ្គមហាសេនាបតីតេជោ ហ៊ុន សែន និងជាប្រធានក្រុមការងារចលនាកសាងសមាជិកគណបក្សនៅមូលដ្ឋានខេត្តកំពត បានចាត់ឲ្យលោក អ៊ឹម វីរៈ និងក្រុមការងារ ដោយមានការចូលរួមពីអាជ្ញាធរមូលដ្ឋាន បានចុះសួរសុខទុក្ខ និងនាំយកអំណោយមនុស្សធម៌ ជូនដល់កញ្ញា ពៅ បូផា ដែលមាន ពិកាភាព (ពិកាភ្នែក) ជីវភាពខ្វះខាត រស់នៅភូមិអង្គរំដួល ឃុំអង្គរជ័យ ស្រុកអង្គរជ័យ ខេត្តកំពត។
នាឱកាសនោះ លោក អ៊ឹម វីរៈ បានពាំនាំមកនូវប្រសាសន៍ផ្តាំផ្ញើសួរសុខទុក្ខ ពីសំណាក់ឯកឧត្តមបណ្ឌិត ហ៊ុន សុខា ដែលជានិច្ចកាលឯកឧត្តម តែងតែគិតគូរពីសុខទុក្ខរបស់បងប្អូនប្រជាពលរដ្ឋជួបការលំបាក អ្នកមានជំងឺ ជនងាយរងគ្រោះ និងជនរងគ្រោះ ដោយគ្រោះមហន្តរាយផ្សេងៗ ដោយមិនប្រកាន់រើសអើងវណ្ណៈ ជាតិសាសន៍ ពណ៌សម្បុរ ឬនិន្នាការនយោបាយអ្វីឡើយ។
ក្នុងឱកាសនោះដែរលោក អ៊ឹម វីរៈ និងក្រុមការងារ ក៏បានលើកទឹកចិត្តដល់គ្រួសារទាំងអស់ មិនត្រូវអស់សង្ឃឹមឡើយ ត្រូវខិតខំប្រកបរបរចិញ្ចឹមជីវិត តាមលទ្ធភាពរបស់ខ្លួន ក្រោមម្លប់នៃសុខសន្តិភាពរបស់រាជរដ្ឋាភិបាល ដឹកនាំដោយមន្ត្រីរបស់ គណបក្សប្រជាជនកម្ពុជា ។
អំណោយរបស់សម្តេចផ្ដល់ជូនទទួលបាន៖ អង្ករ ៥០គីឡូក្រាម ,មី ២កេស ,ត្រីខ ០១យួរ ,ទឹកត្រី ១យួរ ,ស្ករស ១គីឡូក្រាម ,ប៊ីចេង ១គីឡូក្រាម ,អំបិល ១គីឡូក្រាម និងថវិកាចំនួន ៣០ម៉ឺនរៀល។
